ՀՀԿ-ն փոխել է իր ուղղվածությունը...

Նախընտրական քարոզարշավին մնացել են հաշված օրեր, և ամենից շատ ոգևորված աշխատում է ՀՀԿ-ն:  Անհասկանալի է ՀՀԿ-ի կողմից իրականացվող  անձնագրային տվյալների հավաքը, որը բացեիբաց իրականացվում է գրեթե բոլոր դպրոցներում, ուժային կառույցներում և այլ պետական հաստատություններում:  ՀՀԿ-ն այդ տվյալները գուցե ուրիշ նպատաներով է հավաքագրում, ինչպես մեղադրենք մարդկանց ընտրակաշառք տալու կամ մարդկանց ստիպելու մեջ, եթե փաստեր չունենք: Չենք էլ կարող, իհարկե, մեզ կատարյալ ապուշի տեղ դնել և մտածել, թե ՀՀԿ-ի ղեկավարի նախասիրությունը  մարդկանց տվյալների <կոլելցիա> հավաքելն է: ՀՀԿ-ն այս ամենով չբարարվելով որոշել է նաև ապագա ԱԺ հրավիրել <բեմի մարդկանց>, ովքեր ոչ միայն պատրաստ են պարել իրենց ասած եղանակի տակ, այլ կերգեն էլ: Այս երգիչ-երգչուհի, հաղորդավար-հաղորդավարուհիներին ԱԺ բերելու փաստը ՀՀԿ-ն կփորձի հիմնավորել նրանով, որ իբր այդ մարդիկ էլ մշակույթին առնչվող օրենքներ կընդունեն, կբարալավեն մեր մշակութային դաշտը: Գովելի է, որ ՀՀԿ-ն մտածում է Հայաստանի մշակութային զարգացման մասին, բայց  մենք ունենք բազմաթիվ մշակութաբաններ, որոնք ի դեպ ունեն աշխատանքային փորձ պետական ոլորտում, տեղյակ են օրենսդիր գործունեությունից, երկար տարիներ գիտականորեն ուսումնասիրել են տարբեր երկրների մշակույթները, մշակույթ ասելով էլ միայն տեսահոլովակ նկարել, եթերում շատ երևալ ու համերգների ժամանակ երգել չեն հասկանում: Գուցե մենք սխալվում ենք, և ՀՀԿ-ն ոչ թե մշակութային կյանքն է փորձում բարելավել, այլ ենթարկվում է ԵՄ-ին, ուստի ստիպված է նաև կանանց ընդգրկել իր համամասնական ցուցակում, եթե այդպես է, շատ ավելի վատ: Փաստորեն ստացվում է, որ մեր ամբողջ երկրում միակ խելացի կանայք երգչուհիներն ու հաղորդավարուհի-դերասանուհիներն  են, և ՀՀԿ-ն առաջին հերթին իր այս որոշումով վիրավորում է այն բազմաթիվ կանանց, ովքեր իրենց կյանքի մի ստվար հատված նվիրել են ուսմանը, գիտական գործունեությանը, հասարակական ակտիվ աշխատանքներին, և երբ եկել է ժամանակը, որ Հայաստանում կարևոր են համարում կանանց ակտիվ մասնակցությունը քաղաքական գործընթացներին, պարզվում է` այդ կանայք սխալվել են` հույս ունենալով, որ իրենց խելքով, քաղաքականությամբ զբաղվելուն լրիվ հարմար մասնագիտությամբ ուզում են քաղաքական դաշտում ավելի կայուն դիրք զբաղեցնել , պիտի երգեին: ՀՀԿ-ն սկսել է չափից շատ կոպիտ սխալներ թույլ տալ, որոնք ի դեպ վիրավորում են նաև իր իսկ անդամներին, նույն ՀՀԿ կազմի մեջ մտնող կանայք կարծում եմ պիտի խորապես վիրավորվեն, երբ պարզվի, որ ՀՀԿ-ն ավելի հարմար գտավ երգչուհուն համամասնական ցուցակի մեջ ընդգրկել, որն ի դեպ դեռ նոր պետք է համալրի ՀՀԿ շարքերը, այլ ոչ թե իրենց, ովքեր լրիվ համապատասխանում են պատգամավոր դառնալու համար անհրաժեշտ չափանիշներին: Սահմանադրությամբ նախատեսված չափանիշներին շատերը կարող են համապատասխանել, բայց չէ որ այսօր մենք ուզում են զտել ԱԺ-ն այն <դեպքերից>, ովքեր այս տարիների ընթացքում հազիվ կոճակ սեղվել սովորեցին: Սամվել Ալեքսանյանն էլ է համապատասխանում Սահմանադրությամբ նախատեսված չափանիշներին հետո ինչ, ուստի ինչու չենք ուզում նրան նորից տեսնել ԱԺ-ում: Այս հռետորական հարցի պատասխանը մեկն է, որ Երևանը <պրոսպեկտի շուկան> էլ ընդգրկած EREVAN-City  չդառնա գիպերմարկետի տեսքով: Այսօր մենք ունենք հնարավորություն մաքրել ԱԺ-ն հազիվ տառաճանաչ պատգամավորներից, ուստի շատ կարևոր է, որ նրանց հեռացնելով նոր ձևավորվող ԱԺ-ն ավելի թուլակամ, կամակատար, երգող ու պարող պատգամավորներով չլցնենք, որոնց մեծ ջատագովն է ՀՀԿ-ն: Հասկանալի մոտեցում է, խելացի, քաղաքականությունից տեղյակ, համապատասխան գիտելիքներ ունեցող մարդուն կառավարելը և կամակատար դարձնելը բարդ է , իսկ երգող-պարող, դհոլ նվագող և <երիտհայ մենուաներ> կատեգորիային պատկանող մարդկանց պարագայում ոչ հասկացնել է պետք, ոչ համոզել, ոչ էլ բացատրել, ասում ես` անում են, փողը տալիս ես` երգում են, չմոռանանք նաև մեր առաջին տիկնոջ երաժշտական կրթության մասին, ուստի ՀՀԿ-ն իր ղեկավարի հետ միասին պատրաստվում է երգելով բավարարել ժողովրդի կարիքները ու պահանջները  ոչ միայն քարոզարշավի ընթացքում, այլ դրանից հետո էլ` ԱԺ-ում: Այս փաստերը հաշվի առնելով ամեն քաղաքացի ընտրության գնալիս պետք է ինքն իրեն հաշվետու լինի` ում է ընտրում, որ հետո չբողոքի երկրի վիճակից և իշխող <երգող կուսակցությունից> ՀՀԿ-ի տեսքով: Նման կուսակցություն պետք է ունենալ քաղաքական դաշտն ուրախ դարձնելու համար, բայց այդ տիպի կուսակցությունն արժանի է անլուրջ և թեթև վերաբերմունքի, <երգող-պարող կուսակցությունը> չի կարող իր առջև լուրջ նպատակներ դնել և հասնել դրանց, էլ չենք խոսում Հայաստանի առջև ծառացած բարդ խնդիրների լուծման մասին: Մենք ենք մեր ձայներով ձևավորելու ապագա ԱԺ-ն, ուստի եկեք այս հարցին լուրջ և պատասխանատվության զգացումով մոտենանք:

P.S. <Մշակույթի> գործիչներն էլ, եթե այդքան կարող ուժ են իրենց համարում, թող մեր <շուոբիզնեսը> և <մշակույթը>  փրկելու մասին մտածեն, այլ ոչ թե պատգամավորի մանդատի ու անձեռնմխելիության, առանց ԱԺ մտնելու էլ կարող են հայանպաստ գործունեություն իրականացնել: 

P.S.ՀՀԿ-ի վիճակն իրոք լուրջ է, վերջին շրջանում փրփուրներից այս կողմ չեն գալիս: 

Ազատ մամո՞ւլ... Ծիծաղելի է...

ԱԺ ընտրությունները մոտենում են, իսկ այս ընթացքում անխտիր բոլոր ԶԼՄ-ները վարկյան անգամ չեն կորցնում իրենց իբր թե չեզոքության մասին հայտատարելու համար: Ցանկալի կլիներ, եթե  իրականում մեր երկիրն այնքան ժողովրդավարական և քաղաքակիրթ լիներ, որ ազատ մամուլ ունենայինք, բայց այսօր մենք շատ հեռու ենք չկաշառված և ինչ-որ անձանց պատվերով չաշխատող մամուլից զերծ մնալուց: Պատվիրված հոդվածներ, հարցումներ, նույնիսկ լուրեր գրում են ոչ միայն հայտնի և գոնե մի փոքր ճանաչում ունեցող կայքերն ու ամսագրերը, այլ  այս տարբերակով են աշխատում նաև <Ճ կլասսի> իբր թե լրատվական կայքերը, որոնցից մեկին էլ անդրադառնալու ենք: Խոսքը http://www.iravunk.com/ կայքի մասին է, որը գերազանցեց իմ բոլոր սպասելիքները լրատվական կեղծիքների ոլորտում: Ձեզ եմ ներկայացնում այդ <գերազատ> կայքի հարցումներից մեկը: Ես պարբերաբար  հետևում է այս հարցմանը, և ելնելով իմ կասկածամիտ բնավորությունից նկարեցի այն: Պատկեր 1-ում ցուցադրվում է այն վիճակը, որը եղել է հարցման տեղադրման սկզբնական շրջանում: Ուշադրություն դարձրեք   5-րդ  տարբերակի ձայների քանակին:

                                                                           Պատկեր  1

Պատկեր 2-ում ներկայացված է հարցման արդյունքները սույն տարվա փետրվարի 3-ի դրությամբ: ՈՒշադրություն դարձնենք թվերին: 

1)   669    ձայն       4)   312    ձայն                      7) 37  ձայն

2)   33    ձայն         5)   2188  ձայն

3)   47    ձայն         6)   451    ձայն

Պատկեր 2

Կարծես թե ոչ մի արտառոց բան տեղի չի ունեցել.  մարդիկ որոշել են քաղաքական թեմայով <անկեղծ ու արդար, ազատ խոսքի իրավունքը հաշվի առնելով> հարցում անցկացնել, բայց ահա այստեղ STOP... Մեր երկրում այսօր նույնիսկ այս <Ճ կլասս>-ի թերթն իր կայքի հետ միասին զբաղված է արդյունքների կեղծմամբ: Ազգովի արդար ընտրություններ ենք գոռում այն դեպքում, երբ նույնիսկ քչաքանակ մարդկանց հայտնի կայքում տեղադրված հարցման արդյունքներն են կեղծվում:  Տեսնենք, թե ինչ գլոբալ փոփոխություններ տեղի ունեցան այս հարցման արդյունքերում սույն թվ.-ի փետրվարի 28-ին:

Պատկեր    3                                         

1)   1300   ձայն         4)   821    ձայն                      7) 164  ձայն

2)   465     ձայն         5)  260    ձայն

3)   612     ձայն         6)  181    ձայն

 Անհասկանալի կերպով անհետացան ի օգուտ Ռոբերտ Քոչարյանի քվեարկած ձայները: Այս պարագայում այդքան էլ էական չէ ` ում օգտին կամ դեմ են քվեարկել, այլ մտահոգիչ է ակնհայտ կեղծիքն այն դեպքում, երբ իշխանությունը ջանք չի խնայում ապացուցելու համար, թե իբր մեր մամուլն անկախ է ու իշխանության պատվեր չի կատարում: Տարբերությունը միայն ճիշտ տեխնոլոգիաներ կիրառելու մեջ է, այս պարագայում մենք գործ ունենք շատ կոպիտ, անգրագետ և ծիծաղելի կեղծիքի հետ:  Պարզ մաթամատիկական հաշվարկի օգնությամբ տեսնենք, թե ինչպես են ձայները տեղաբաշխվել այն տարբերակներում որոնք ձեռնտու են հարցումն անցկացնող կայքին:

Փետրվար 3                                 Փետրվար 28

1)  669                                           1)   1300                 

2)  33                                             2)   465                  

3)  47                                             3)   612                    

4)  312                                           4)   821                        

5)  2188                                         5)   260                    

6)  451                                           6)   181                    

7)  37                                             7)   164                    

1300-669= 631                ավելացված ձայներ

465-33= 432                   ավելացված ձայներ

612-47= 565                  ավելացված ձայներ

821-312= 509                ավելացված ձայներ 

2188-260= 1928            հանված ձայներ

451-181=270                 հանված ձայներ

164-37=127                   ավելացված ձայներ

Այս ընթացքում քվեարկել է 66 հոգի, մաթեմաթիկայից շատ հեռու մարդն էլ կարող է հասկանալ, որ այստեղ շատ կոպիտ ձևով երկու տարբերակից ուղղակի գողացել են ձայները և ավելացրել իրենց ցանկալի տարբերակներին: Այսքանից հետո ազատ մամուլի մասին խոսելն անգամ իմաստ չունի: 

P.S. Վերջում էլ ավելացնեմ, որ մեր երկրում սակավաթիվ ԶԼՄ-ներ  կան, որոնք իրենք իրենց աճուրդի չեն հանել ու պատրաստ չեն խոնարհ  ծառայել նրան, ով շատ փող կտա: Իշխանության ներկայացուցիչներն էլ այս ամբողջ ընթացքում ջայլամի նման գլուխները հողի մեջ մտցրած արդար ընտրություններից ու ազատ մամուլից են խոսում...

                                                                                                            Ա. Հովհաննիսյան

ՀՀԿ-ն դեպրեսսիայի մեջ է...

ՀՀԿ-ն վերջին շրջանում ևս մի անգամ ապացուցեց, որ կադրերի ընտրման հարցում  էլ է ձախողվում: Մի կողմից <երիտհայկական> շարժումը` եվրոպական խոպոպիկներով մենուաներ և վարչապետի երդվյալ վկաներ, մյուս կողմից էլ իբր թե լուրջ համբավ ունեցող քաղաքական դեմքեր` ի դեմս Տարոն Մարգարյանի, ով <ավտարիտետ>-ի կոչումով պետք է ԱԺ ընտրությունների ժամանակ հոծ ընտրազանգված ապահովեր ՀՀԿ-ի համար: ՀՀԿ-ի <երիտհայական> ներկայացուցիչների զենքը խոսքն է: Այս <երիտհայերը> ի տարբերություն այժմյան որոշ պատգամավորների կարողանում են հայերեն լեզվով  բարդ ստորադասական նախադասություններ կազմել: Մենուան նույնիսկ այնքան է վարպետացել խոսելու մեջ, որ իրեն իրավունք է վերապահում խոսել ոչ միայն ՀՀԿ-ի, այլ նաև ԲՀԿ-ի անունից, նույնիսկ մի պահ  Ռոբերտ Քոչարյանի մամլո խոսնակի դերում իրեն պատկերացնելով հայտարարեց, թե Ռոբերտ Քոչարյանի չի վերադառնա: ՀՀԿ-ի շփոթմունքն արդեն այնքան է խորացել, որ իրենց անդամների միջոցով բարձրաձայնում են իրենց երազանքների մասին, հույս ունենալով, որ Քոչարյանը կգթա իրենց: Սա էլ այն դեպքում, երբ Քոչարյանը նույնիսկ  այդ ուղղությամբ  հայտարարություն էլ չի արել, կարելի է պատկերացնել, թե ինչ անելանելի վիճակում կհայտնվեն ՀՀԿ ներկայացուցիչները, եթե հանկարծ Քոչարյանը մեծ քաղաքականություն վերադառնալու վերաբերյալ հայտարարություն անի: ՀՀԿ-ի այս անորոշ վիճակին միայն Տարոն Մարգարյանի անկարողությունն էր պակասում, բայց դրա դրսևորումն  անխուսափելի էր: Մեր <բազմախոստում> քաղաքապետը մոռանալով քաղաքապետի հիմնական պարտականությունների և իրավունքների մասին ձեռնամուխ եղավ մի քանի անհատ գործարարների շահերի պաշտպանմանը: Մենք դեմ չենք, երբ մեր երկրում որևէ քաղաքացու շահ պաշտպանվում է, բայց եթե դա այլ մարդկանց շահերի ոտնահարման արդյունքում չի արվում: Քաղաքապետն իրեն լրիվ <օբյեկտի տիրոջ> պես պահեց, քաղաքացիներին էլ իր աշխատողների  տեղը դրեց, ովքեր պետք է լուռումունջ ենթարկվեն իրենց <շեֆի> հրամաններին: Տարոն Մարգարյանին երևի չեն բացատրել երբևէ, որ հենց քաղաքացիներն են իր գործատուն, ու նա պարտավոր է ծառայել Երևանին ու Երևանի բնակիչներին, այլ ոչ թե <բուտիկներ> շարել որտեղ կամենա: Քաղաքապետ նշանակելուց առաջ պետք է նաև բացատրեին, որ ձյուն մաքրող մեքենաներն օգտագործելու համար են, այլ ոչ թե ֆոտոսեսիայի: Սփյուռքի հայերին այդ նկարներով կարելի է ինչ-որ կերպ խաբել, բայց մենք ամեն օր շրջում ենք քաղաքի կենտրոնական փողոցներով, ոտք ու ձեռք ջարդում, մեքենա փչացնում, նույնիսկ զոհվում: Մեզ պատճառած այս բարոյական, ֆիզիկական ու ֆինանսական վնասների հատուցման մասին Տարոն Մարգարյանը հաստատ չի մտածում, կարևորն այս պահին ձայներն են: Հետաքրքիր է, ո՞ր քաղաքացին ձայն կտա Տարոն Մարգարյանին ու ՀՀԿ-ին այն դեպքում, երբ Տարոն Մ-ն չկարողացավ նույնիսկ <բուտիկների> հարց լուծել, իսկ իր առաջարկած լուծման տարբերակն էլ այնքան անհաջող ու Anti-Երևան էր, որ մի քանի օր տևող  ցույցերի պատճառ դարձավ: Պարոն Մարգարյանը նույնիսկ ցուցարարների հետ բանակցելու առաջարկը մերժեց:  Պարզվեց, որ մեր նորաթուխ քաղաքապետը ժամանակ չունի քաղաքացիների խնդիրները լուծելու համար, դե շուտով ԱԺ ընտրություններն են հասկանո՞ւմ եք: ՀՀԿ-ն վերջնականապես հասկացավ,  որ փուչիկները չեն կարող երկար ժամանակ  պահպանել իրենց իբր թե կայուն ու պինդ կեցվածքը, մի թեթև ասեղի ծակոց ու վերջ... ՀՀԿ-ի ազդեցիկ փուչիկները հերթով պայթում են, <երիտահայերն> էլ շատ վատ են խաղում իրենց հայրենասեր, մտահոգ ապագա պատգամավորի դերը, իսկ ընտրությունների օրն էլ նշանակված է.... 

                                                                                                             Ա. Հովհաննիսյան

Վարդան Օսկանյանը ԲՀԿ-ի անդամ...

Վարդան Օսկանյանի ԲՀԿ-ի շարքերը համալրելու լուրը մեծ աղմուկ բարձրացրեց: Առկա քաղաքական փտած ռեժիմների դեպքում բնական է, որ յուրաքանչյուր առողջ որոշում և քայլ մի տեսակ զարմանքով է ընդունվում հասարակության կողմից: Անխոս, ողջունելի է Վարդան Օսկանյանի վերադարձը մեծ քաղաքականություն, քանի որ Հայաստանն այսօր փակուղու առջև է հայտնվել, և մենք հենց Օսկանյանի նման կայուն, խելամիտ, լրջախոհ և փորձառու քաղաքական գործիչների կարիք ունենք: Ողջունելի է նաև այն, որ ԲՀԿ-ն ևս մի անգամ ապացուցեց իր ժողովրդավարական լինելը: ԲՀԿ-ն ուժեղ կուսակցություն է, որն էլ իր հերթին  ինտելեկտուալ զանգվածի մեծացման կարիք ուներ, ուստի Օսկանյան-ԲՀԿ համագործակցությունը ուժի և խելքի միաձուլում է, որը կարող է դրական անդրադառնալ առաջին հերթին ժողովրդի վրա: Սա ԱԺ ընտրությունների նախաշեմին  շատ լուրջ երկկողմանի քաղաքական քայլ էր: Եզրակացություններ անելու տեղիք է տալիս նաև այն, թե ինչո՞ւ Օսկանյանը  հենց ԲՀԿ-ն ընտրեց որպես իրեն սատարող քաղաքական ուժ: Օսկանյանը մեծամասնականով էլ եթե դներ իր թեկնածությունը հաղթելու մեծ հնարավորություն ուներ, քանի որ նա քաղաքական այն գործիչներից է, ով իր արած գործերի և քայլերի շնորհիվ վայելում է հանրության հարգանքն ու վստահությունը: Օսկանյանն իր գործունեության ողջ ընթացքում կոպիտ սխալներ թույլ չի տվել, ուստի նրա այս  որոշումն էլ ևս մի անգամ ապացուցում է, որ առկա քաղաքական ուժերի մեջ հենց ԲՀԿ-ն է այն առողջ ու կայուն ուժը, որի շուրջ կարելի է համախմբվել:  ԲՀԿ-ն այսօր լուրջ մրցակից է ՀՀԿ-ի համար, ԲՀԿ-ն դեմագոգիայով չի զբաղվում, իր յուրաքանչյուր խոսք գործի է վերածում, ստեղծման օրվանից ժողովրդի հետ սերտ կապ է պաշտպանում, աջակցում է և գործում ելնելով առաջին հերթին ժողովրդի շահերից: Այս ամենը հաշվի առնելով բավականին խելամիտ է Օսկանյանի ընտրությունը, ով էլ իր պատրաստվածությունը, փորձը և հմտությունը կգումարի ԲՀԿ-ի ուժին: Այս համագործակցությունը կարելի է վերջին շրջանում քաղաքական դաշտում ընդունված ամենաառողջ որոշումներից մեկը համարել:

                                                                                                      Ա. Հովհաննիսյան

<ԵՐԻՏՀԱՅ>-ի նմուշներից...

Այս հարցազրույցը դիտելիս պարզ երևում է, որ ՀՀԿ-ն ոչ թե տեղեկացված և օրենսդիր գործունեությամբ զբաղվելու ունակ երիտասարդների է ընդգրկում իր շարքերը, այլ ուղղակի հայերենին տիրապետող, իրենց սազի տակ պարող և յուրաքանչյուր հարցի դիմաց ոչ թե կոնկրետ պատասխան տվող, այլ արագ-արագ <փիլիսոփայող>,  իրենք իրենց եվրոպացու հետ նույնացնող, բայց ազգային արժեքները իբր թե պահպանող երևույթների: Այդ երևույթների թվին է պատկանում նաև փուչ խոսքերով զինված Մենուան: Չանդրադառնանք նրա գործունեությանը և առհասարակ նրա անձին, այլ վերլուծենք այս տեսանյութում նրա արտահայտած մտքերը: Սկսենք նրանից, որ այս <երիտհայը> կամ չարաշահում է իր լիազորությունները` խոսելով ոչ միայն ՀՀԿ-ի ղեկավարության, այլ նաև ԲՀԿ-ի ղեկավարության  անունից, ՕԷԿ-ին մի կողմ թողնենք, կամ էլ  նրան իրոք թևեր են տվել, որ խոսի ողջ հանրապետության, հասարակության, կուսակցությունների և բոլորիս անունից: ԲՀԿ-ի անդամներն անգամ նման համոզվածությամբ չեն խոսում կոալիցիոն հուշագրի վերաբերյալ, քան ոմն Մենուան: Չեմ կարծում, որ ԲՀԿ-ն <երիտհայ> Մենուային իր անունից խոսելու իրավունք  տված լինի: Այս արագ-արագ բառերն իրար կապող երևույթը վարչապետին գովեստի խոսքեր ասելու առիթն էլ բաց չթողեց: 

Մեջբերում . <Վարչապետը իր արտաքինով ևս միգուցե այսպես էն հայը չի, հա, որը որ մենք ենք պատկերացնում, միգուցե իր հագուկապը, իր մազերի սանրվածքը եվրոպական է, բայց հավատացեք ինքը ազգային մարդ է> :

Չեմ կարծում, որ հայ հասարակության մեջ այնպիսի անկիրթ ու թերզարգացած մարդիկ կան, ովքեր  քննադատում են  պետական գործչին արտաքին տեսքի համար,  իսկ ազգային լինելն էլ ազգի համար արված գործերով է բնորոշվում, այլ ոչ թե ճառերով կամ.

մեջբերում. <Վարչապետը կարդում է Գարեգին Նժդեհ, նրա հետ զրուցելիս դու չես ստանում տպավորություն , որ դու խոսում ես ուլտրամանուշակագույն եվրոպացու հետ, դու ստանում ես տպավորություն, որ խոսում ես հայ մարդու հետ>:

Հետաքրքիր է ի՞նչ պատասխան կտա Հայաստանի իշխանությունը Եվրոպային, եթե վերջիններս իմանան, որ ՀՀԿ-ի <երիտհայ> Մենուան եվրոպացիներին ուլտրամանուշակագույն է անվանում, հետո էլ կոչ անում, որ պետք է Հայաստան բերենք Եվրոպայի դրական երևույթները: Շատ լավն է նաև <ստանում ես տպավորություն> արտահայտությունը, իրոք որ վարչապետը հայերեն է խոսում, Գարեգին Նժդեհ է կարդում, վերջիվերջո ՀՀ վարչապետն է, գոնե հայ մարդու տպավորություն պիտի թողներ, թե՞ չէ, բայց տպավորությունը շատ հեռու է էություն լինելուց: Վարչապետով այսքան տարված Մենուան նույնիսկ տեղյակ էլ չի Տիգրան Սարգսյանի գործունեությունից, այլապես չէր ասի, թե պետք է գոհ լինենք, որ  Հայաստանը գոյատևեց ֆինանսատնտեսական ճգնաժամից հետո: Իր պաշտելի վարչապետը ֆինանսատնտեսական ճգնաժամի սկզբնական փուլում համայն ազգի առջև  հայտարարություն արեց, որ Հայաստանը վախենալու ոչինչ չունի, ճգնաժամը մեզ չի սպառնում, թե հետո ինչ եղավ գիտենք բոլորս, իսկ հիմա նույնիսկ ՀՀԿ-ական պատգամավորների անգործության մեջ էլ է այդ զզվելի ճգնաժամը մեղավոր: Մենուայի հաջորդ հայտնագործությունն այն է, որ իշխանությունն այսօր ամեն ինչ անում է ժողովրդի համար, մի բան հասկանալի չէ, թե ի՞նչ է անում, և ժողովուրդ ասելով ո՞ւմ ի նկատի ունի այս <երիտհայը>: Եթե խոսքը հայ ազգի մասին է, ապա ինչպե՞ս հասկանանք ահռելի չափերի հասնող արտագաղթը, նվազող ՀՆԱ-ն, գնաճը, միջին ու փոքր բիզնեսի ոչնչացումը և նման բացառապես հակաժողովրդավարական  քայլերը, որոնք այդ նույն իշխանությունն է անում: Մենուաին ՀՀԿ-ն հաստատ կընդգրկի իր ցուցակում, քանի որ բավականին հաջող կերպով խուսափում է բոլոր հարցերին կոնկրետ պատասխաններ տալուց` օգտագործելով <շատ դժվար է բառերով բացատրել>,  <դժվար է սեփական արածը ցույց տալ> արտահայտությունները: Նշենք, որ բառերով դժվար է լինում բացատրել միայն այն դեպքում, երբ ուզում ես մածունը սև դարձնել, իսկ <սեփական արած> էլ պետք է լինի, որ հեշտությամբ ցույց տաս: 

Մի հարցազրույցի ընթացքում այսքան սխալներ թույլ տված Մենուան չի բավարարվում և անդրադառնում է նաև մեր հասարակության մեծամասնությանը` համոզված հայտարարելով, թե նրանք հասկանում  են, որ <ՀՀԿ-ն ամեն ինչ անում է ժողովրդի համար> և <հավատը դեպի գործող  նախագահը կա>:  NO COMMENT

ՀՀԿ-ի <երիտհայկական> կազմի այս մի ներկայացուցչին լսելուց հետո կարող ենք համոզված ասել, որ Սերժ Սարգսյանը ամեն ինչ անում է Հայաստանում ավտորիտար ռեժիմ ստեղծելու համար: Սա շատ վտանգավոր է, քանի որ նույն ԲՀԿ, ՀՅԴ-ն, Ժառանգությունը և մնացած բոլոր կուսակցությունները կամ պետք է անվերապահորեն կատարեն պարոն նախագահի կամքը կամ էլ նրանց փոխարինելու կգան գովել իմացող,  հնազանդվող, ազգային գաղափարներից հեռու, բայց հայերեն խոսող մենուաներ: Սա վերաբերում է նաև ՀՀԿ-ի այն անդամներին, ովքեր մեծ ներդրում ունեն ՀՀԿ-ի գործունեության մեջ, բայց չեն կարող մենուա դառնալ և մի կողմ դնել ՀՀԿ-ի գաղափարները, համոզմունքները, արժեքային համակարգը, որն ինչպես տեսնում ենք այսօր արմատախիլ է արվում, քանի որ ՀՀԿ-ի ղեկավարը իրավական պետություն ստեղծելու գաղափարն օգտագործելով որոշել է ավտորիտար քաղաքական ռեժիմ ստեղծել: Մի նրբություն էլ կա, եթե նույնիսկ բոլոր կուսակցությունները ենթարկվեն   պարոն նախագահ Սերժ Սարգսյանին, դա էլ չի փրկի, քանի որ ընտրություններից հետո նրանք այլևս պետք չեն լինի, ուստի նախագահի հաջորդ քայլերն արդեն կուղղվեն այդ կուսակցությունների վերացմանը, և նպատակ կդրվի ՀՀԿ-ն դարձնել գերիշխող կուսակցություն, այն էլ մենուաների կազմով: 

Առջևում ԱԺ ընտրություններն են, ուստի հիմա պետք է հնարավորինս ուշադիր լինենք և չխաբնվենք դատարկ խոսքերին, սխալվելու իրավունք չունենք, այստեղ ոչ միայն ժողովրդի խնդիրն է, այլ նաև կուսակցությունների, ում գոյությունը ՀՀԿ-ի հաղթանակի և Սերժ Սարգսյանի մի անգամ էլ նախագահ դառնալու դեպքում վտանգված է:

P.S. Մենուան էլ նախքան իրեն ԱԺ-ում պատկերացնելը ավելի լավ կլիներ էթիկայի տարրական կանոններին գոնե հետևեր և ծամոնը  եթեր դուրս գալուղ առաջ շպրտեր:

Ամփոփում

                                              

Մի քանի օրից ևս մի տարի հրաժեշտ կտա Հայաստանին, պարոն նախագահն էլ հպարտորեն  կշնորհավորի հայ ազգին ու կսկսի նշել, թե ինչ ձեռքբերումներ է ունեցել Հայաստանն իր գլխավորությամբ այս մի տարվա ընթացքում: Մենք էլ փորձեցինք մի փոքր առաջ անցնել իրադարձություններից և  գոնե մի քանի ձեռքբերումներ գտնել: Սկսենք քաղաքական դաշտից, որտեղ այս մի տարվա ընթացքում մենք ականատես եղանք տարբեր տեսակի բեմադրությունների` երգիծական, տրագիկ, մելոդրամիկ, նույնիսկ մեքսիկական <սերիալ> ունեցանք` ՀԱԿ-ի գլխավորությամբ: Այս ամբողջ կրկեսը ոչ միայն օգուտ չտվեց հայերին ու Հայաստանին, այլ նաև ցույց տվեց աշխարհին մեր թուլությունը, բոլորին պարզ դարձավ, որ Հայաստանում ընդդիմությունն էլ, որը միայն իր ու իր մտերիմների շահերի մասին է մտածում, փաստորեն ձևավորվել է տապալված իշխանությանը փրկելու համար,: Այս փտած մթնոլորտում հանկարծ աղմուկ բարձրացավ, որը  կապված էր Ռոբերտ Քոչարյանի տված հարցազրույցի հետ: Այդ մի քանի տողանոց հարցազրույցը սկսեցին էջերով մեկնաբանել, չնայած որ Քոչարյանն իր ասելիքը շատ պարզ ու հստակ էր ձևակերպել: Իշխանության վերին օղակներում պանիկա սկսվեց, բոլորն էլ գիտակցում են, որ ժողովրդի մի ստվար զանգված Քոչարյանին է սատարում: Այս խառնաշփոթն էլ անցավ, բայց մի բան պարզ դարձավ այս տարվա ընթացքում, որ Սերժ Սարգսյանը  բացի իր հպատակներից ուրիշ ոչ մեկի չի ուզում և չի կարող հանդուրժել քաղաքական դաշտում` ԲՀԿ-ն վառ օրինակ է:

 Հիմա անցնենք տնտեսական ոլորտին, որտեղ խայտառակ հետընթաց գրանցեցինք, չկա մի ոլորտ, որը գոնե մի թեթև աճ գրանցած լինի, բացի արտագաղթից և գործազրկությունից, որտեղ մենք իրոք ռեկորդային աճ գրանցեցինք: Սա էլ է արդյունք, ամեն  պետության  նախագահին ու վարչապետին չի հաջողվում այսպիսի պարտաճանաչությամբ երեք տարի շարունակ նպաստել գործազուրկների և արտագաղթողների թվի կտրուկ ավելացմանը:

 Այս տարի պարզեցինք, որ այժմյան իշխանության գերագույն ֆունկցիան ոչ թե ժողովրդին ծառայելն ու երկրի վիճակը բարելավելն է, այլ աթոռապահպանումը, ինչի համար իշխանությունը ջանք ու եռանդ չխնայեց և օգտագործելով բազմաթիվ հնարքներ փորձեց ժողովրդի ուշադրությունը շեղել գլխավորից` կենտրոնացնելով իրենցից ոչինչ չներկայացնող, բայց ամպագոռգոռ նախագծերի ու որոշումների վրա: Այս տարի նշանավոր է նաև նրանով, որ Հայաստանում գրեթե վերացավ փոքր ու միջին բիզնեսը, իսկ հիմա էլ նպատակ է դրված վերացնել օլիգարխիան, այսինքն մարդիկ մտածել և որոշել են, որ Հայաստանի նման փոքր երկրում մի հոգի պետք է զբաղվի բիզնեսով, ուստի մեզ ոչ օլիգարխներ են պետք, ոչ էլ առևտրականներ, միայն հպատակներ: 

 Տարվա վերջում էլ մեծ շուքով Ֆրանսիան մեզ կոնֆետի թուղթ ցույց տվեց, մենք էլ ազգովի փառաբանեցինք, ծափահարեցինք, պարոն նախագահն էլ սա ձեռքբերում համարեց, այնինչ այդ օրինագիծը դեռ չի հաստատվել ոչ Վերին Պալատի, ոչ էլ Սարկոզիի կողմից, բայց մենք տեղը տեղին շնորհակալ եղանք: 

 Վերջում էլ ավելացնենք, որ հայ ազգն ու Հայաստանն այսօր բարդ իրադրության մեջ են,  և եթե գալիք տարի  համապատասխան քայլեր չձեռնարկվեն, ապա Հայաստանի ճակատագիրը շատ անորոշ ու մռայլ կլինի: Այս ամենը հաշվի առնելով կոչ ենք անում Սերժ Սարգսյանին մի փոքր մտածել մինչ Ամանորյա քաղցրահունչ ելույթն ասելը ու չխոսել գոյություն չունեցող ձեռքբերումների և առաջընթացի մասին, անկեղծությունը միշտ էլ ավելի բարձր է գնահատվում: 

  ՇՆՈՐՀԱՎՈՐ ԲՈԼՈՐԻՍ ԱՄԱՆՈՐՆ ՈՒ ՍՈՒՐԲ ԾՆՈՒՆԴԸ: ԹՈՂ ԳԱԼԻՔ ՏԱՐԻՆ ՄԵԶ` ՀԱՅԵՐԻՍ ՄԻԱՍՆՈՒԹՅՈՒՆ ԲԵՐԻ: 

           

ԲՀԿ-ն վտանգի մեջ է.....

Հայաստանում քաղաքական կյանքը կանգ է առել, բայց սա տեղի է ունենում ոչ այն պատճառով, որ իշխանությունն ընդդիմության հետ միասին հոգնել է ժողովրդին մանիպուլյացիայի ենթարկելուց, այլ ուղղակի դադար է վերցրել նոր թափով ժողովրդի ուղեղը գրոհելու համար: Տիգրան Սարգսյանին այլևս չի հաջողվում իտալական մակարոններ կախել հայ ազգի ականջներին, համոզել, որ Հայաստանի տնտեսությունն իրականում աճել է, այլ ոչ թե անդունդի եզրին հայտնվել, արտագաղթի իրական ծավալն ինչքան էլ ցանկանան թաքցնել, միևնույն է պաշտոնական տվյալներն անգամ  ահագույժ են, ընդդիմության դիմակն էլ արդեն այնքան բացահայտ է դարձել, որ նույնիսկ երեխան կարող է նկատել նրանց պատվեր կատարողի իրական դեմքը, այս <գեղագիտական> ֆոնի վրա էլ ԲՀԿ-ի վրա գործադրած բացահայտ ճնշումները` թմրամոլ ԲՀԿ-ականներ, կրակոցներ.... Տիգրան Սարգսյանի սպառնալիքը սկսում է իրականանալ` ով ՀՀԿ-ի հետ չի, կոտրած տաշտակի առջև է հայտնվելու: ԲՀԿ-ն էլ հայտնվել է անելանելի վիճակում, որը եթե երկար տևի կարող է ԲՀԿ-ի համար բավականին ծանր հետևանքներ ունենալ: ԲՀԿ-ն պետք է վերջապես կամք ու քաջություն ունենա և հայտարարի իր քաղաքական կողմնորոշման մասին: Այն որ ԲՀԿ-ՀՀԿ համագործակցությունը ԲՀԿ-ի օգտին չի կարող լինել փաստ է, քանի որ պարոն նախագահին այս կուսակցությունից միայն ձայներ են պետք, որից հետո ԲՀԿ-ի գոյությունը որպես սպառնալիք կընկալվի ու պարոն Ծառուկյանի կուսակցական ընկերները կպարզվի ոչ միայն թմրամոլ են, այլ նաև կուռուպացված պաշտոնյաներ, ազգի դավաճաններ, անբարո մարդիկ, մի խոսքով հնարավոր բոլոր ձևերով իշխանությունը կփորձի ոչնչացնել ԲՀԿ-ականների բարի համբավը, որը նրանք այսօր վայելում են: ՀՀԿ-ն ու Սերժ Սարգսյանը չեն հանդուրժի քաղաքական դաշտում մեկ ուրիշ ազդեցիկ կուսակցության գոյության փաստն անգամ, առավել ևո որ այն ավելի ժողովրդականություն է վայելում: ԲՀԿ-ն այս իրավիճակից կարող է դուրս գալ միայն այն դեպքում, երբ կարողանա քաղաքական կամք դրսևորել ու խոստովանի, որ իր կայացումը տեղի է ունեցել շնորհիվ Ռոբերտ Քոչարյանի: Այսօր երկրորդ նախագահը ոչ մի հայտարարություն չի արել իր վերադարձի վերաբերյալ, բայց չի էլ կարելի բացառել, որ նման բան տեղի  կունենա: ԲՀԿ-ն էլ ուղղակի պետք է կարողանա ճիշտ ու արագ կողմնորոշվել, քանի որ երկար մտածելու դեպքում կարող է կորցնել ոչ միայն իր դիրքը, այլ անհետանա քաղաքական դաշտից: Այս դեպքում կարծում եմ ԲՀԿ-ի համար լավագույն ելքը կլինի արագ ու ճիշտ կողմնորոշվելը, ինչքան էլ որ իշխանությունները ցանկանան ճնշել այս կուսակցությանը, միևնույն է այսօր ԲՀԿ-ն այն քիչ  կուսակցություններից է, որին ժողովուրդը հավատում է: Հայաստանում քաղաքական դաշտն արդեն երկար ժամանակ է տրագիկոմեդիայի է վերածվել, որտեղ որպես քավության նոխազ միշտ ընտրվում են համեմատաբար ավելի անվնաս, խելամիտ ու ժողովրդամետ ուժերը, իսկ պատվեր կատարողներին, Սերժ Սարգսյանին անվերապահորեն ենթարկվողներին, ընտրությունների ժամանակ <ձեն բերողներին> ու նմանատիպ էժանագին և միանգամյա օգտագործման մարդկանց պարգևներ ու պաշտոնի բարձրացում է խոստացվում, բայց <ձկնիկ եմ որսում> տրամաբնությամբ, պարոն նախագահն իր ուզածին հասնելուց հետո կամ կարթը որսի կոկորդում այս ու այն կողմ տանելով թողնում է նրան մի քիչ էլ լող տալ ջրի մեջ կամ էլ վերջ տալիս նրա ծովային դրախտին: Հուսով ենք ԲՀԿ-ն էլ չի հայտնվի ձկնիկների թվում ու կկարողանա արագ ու ճիշտ կողմնորոշվել:
                                                                                                           Ա.Հովհաննիսյան.....